SOUTHERN NDEBELE

1821 - Ndebele (Southern)

KHONA NGINGAPHULUSWA NA?

Arranged in the very words of Inspired Men.

1. KHOLWA kuJesu Krestut (Izenzo 16:30,31). Kodwana umuntu nanganakukholwa, uZimu angekhe athaba ngomuntu loyo, ngombana loyo oya kuZimu, kufanele akholwe bona ukhona nokobanyana uyabavuza labo abamfunako (KumaHebheru 11:6). Loyo ongakholwako, uzakwahlulelwa ngezono zakhe (Markosi 16:16). Naningakholwako bona nginguye enginguye (Jwanisi 8:24). Ngokunjalo_ke nekolo nayo nayingavezi imisebenzi emihle, ikolo leyo ifile (KajaKobosi 2:17).

2. TJHUGULUKANI ezonweni zenu (Izenzo 2:38). Kwamambala ngiyanitjela bona lokha naningatjhugulukiko ezonweni zenu, nonke nizokufa njengabo (Luka 13:3,5). UZimu ... khathesi khona utjela abantu boke bona batjhuguluke eendleleni zabo ezimbi (Izenzo 17:30). Yeke uZimu selabaphile abatjhile ithuba lokutjhugulukela ekuphileni! (Izenzo 11:18).

3. NANGOKUVUMA kwethu isono siyaphuluswa (KwebeRoma 10:10). Ngombana lokha nawuvumako ngomlomo wakho bona uJesu uyiKosi, ubukholwe ngehlizyo yakho bona uZimu wamvusa kwabafileko, uzophuluswa (KwebeRoma 10:9). Ngiloyo naloyo ongivumako phambi kwabantu, nami ngomvuma phambi koBaba osezulwini (Matewu 10:32). UnguKrestu, iNdodana kaZimu ophilako (Matewu 16:16). Ngiyakholwa bona uJesu Krestu yiNdodana kaZimu (Izenzo 8:37).

4. Amanzi wona ajamele UMBHABHADISO, akusiwe osusa isila yomzimba

(I KaPitrosi 3:21). Loyo okholwako abhabhadiswe, uzaphuluswa (Markosi 16:16). Akakho noyedwa ozangena embusweni kaZimu ngaphandle kobana abelethwe ngamanzi nangoMoya (Jwanisi 3:5). Wasiphulusa, wasihlamba ngokusizala kabutjha, nangokusenza kabutjha ngoMoya oCwengileko (KuTitosi 3:5). Omunye nomunye wenu abhabhadiswe ebizweni lakaJesu Krestu, khona izono zenu zizalitjalelwa (Izenzo 2:38). Sikima ubhabhadiswe, kuhlanjwe izono zakho ngokubiza ibizo lakhe! (Izenzo 22:16). Nonke nina enbhabhadiswa nihlanganiswe noKrestu (KwebeGalatiya 3:27). Sabhabhadiselwa ekufeni kwakhe (KwebeRoma 6:6:3). Nje_ke umuntu nesele akuKrestu, selidlule kuye (II KwebeKorinte 5:17).

5. Umusa loyo usifundisa bona silise ububi neenkanuko zephasi, siphile ngokuziphatha, nangokulunga, nangokusaba uZimu ephasinapha, njengombana silindele ilangelo elibusisiweko esiliqale ngethemba, mhlana iphazimulo kaZimu neyoMphulusi wethu uJesu Krestu, iyobonakala ngalo. Yena wazinikela ngebanga lethu, ze asiphephise ekukhohlakaleni koke, asenze abahlanzekileko, khona sizaba ngebakhe yedwa, sizimisele ukwenza okulungileko (KuTitosi 2:12_14).

Ngiyanibuka, ngombana ningikhumbula njalo, nibambelele eemfundweni zonke, njengombana ngazedlulisela kini (I KwebeKorinte 11:2).

Sengathi umusa weKosi yethu uJesu Krestu ungaba nani noke. Ameni (Isambulo 22:21). Babusisiwe labo abahlanza iingubo zabo zihlanzeke, khona bazaba nelungelo lokudla isithelo somuthi wokuphila, bangene emzini ngamasango wawo (Isambulo 22:14).

_Arranged by J.D. Phillips

-------------------------------------------------------------------------------

2862 - Ndebele (Southern)

NGINGAKUZWA NJANI ?

Izenzo 8:26-40

26. Ingilozi kaZimu yakhuluma noFulebhe yathi: "Zilungisele uye esewula endleleni esuka eJerusalema ethinga eGaza." (Indlela le ayisakhambi.)

27. Eke uFulebhewazilungisela wakhamba. Isikhulu esiphakemeko seTopiya besisendleleni sisiya ekhaya. Indoda le, mphakulwa, gade isikhulu esiqakathekileko esiqale iimali zakaKhandakhe, ingwenyamakazi yeTopiya, besibuya eJerusalema ukuyothandaza uZimu.

28. Besesibuyela emva ngekoloyana yaso, besikhamba sifunda incwadi yomporofidi uIsata,

29. Umoya oCwengileko wathi kuFulebhe: "Khamba, uye eqadi kwekoloyana."

30. Ufulebhe watjhidela wasizwasifunda encwadini yomporofidi uIsaya. Alo-ke wasibuza wathi: "Uyakwizwa lokho okufundako na?"

31. Saphendula sathi: "Ngingakuzwa njani, kungekho ongangihlathululela na?" Sabiza uFulebhe bona akhwele ahlale hlani kwaso.

32. Indimana egade siyifunda ngile ethi: "Gade anjengemvu eyathathelwa ukuzohlatjwa, anjengemvana engaliliko nayiyorhunwa uboya; akhange avule umlomo.

33. Wathotjiswa kwangabikho noyedwa omvikelako. Ngubani, osazakhuluma ngeenzukulwani zakhe, ngombana ubuphilo bakhe ephasinapha buphelile."

34. Isikhulu sabuza uFulebhe sathi: "Ngitjela, umporofidi ukhuluma ngobani, uzitjho yena namtjhana ukhuluma ngomunye na?"

35. UFulebhe yemitlolo wasihlathululela iindaba ezimnandi ngoJesu.

36. Basakhamba endleleni, bafika endaweni lapha bekukhona amanzi, isikhulu sathi: :Naka amanzi, ngingakhandelwa yini ngingabhabhadiswa na?"

37. UFulebhe wathi kiso: "Ungahle ubhabhadiswe nawukholwa ngehliziyo uakho yoke." Saphendula sathi: "Ngiyakholwa bona uJesu Krestu yiNdodana ka Zimu."

38. Isikhulu sajamisa ikoloyana, uFulebhe nesikhulu behla baya emanzini, uFulebhe wasibhabhadisa.

39. Kuthe bona baphume ngemanzini, uMoya kaZimu wahlutha uFulebhe, Isikhulu akhange besisambona godu, yeke-ke saraga ngendlela yaso, sithabile.

40. Ufulebhe wafunyanwa eAtjhidodi, wadlula kiyo yoke imizi athumayela iindaba ezimanandi bewafika eKhesariya.