TONGA

3156 - Tonga (Zimbabwe)

NOBAMI INO NDICITENZI KUTI NDIFUTULWE?

Incito 16:30

Arranged in the very words of inspired men by J.D. Phillips

1. Bakati, Syoma ku-Mwami Jesu, non futulwe yebo abeõanda yako. (Incito 16:31) Pele kuti kakwiina lusyomo, tacikonzeki kukonda Leza, nkaambo woonse muntu uuswena kulinguwe uleelede kuzumina kuti Leza mpali akuti nguupa cilumbo kulibaabo bamuyandaula. (Ba-Hebrayo 11:6) Oyo uutazumini uyoozulwa. (Marko 16:16) nkaambo mwatazumina kuti ndime yooyo, muyoofwa muzibi zyanu. (Johane 8:24) Mbubonya obo lusyomo lutajisi milimo, mbululi lulike, lulifwide buyo. (Jakobo 2:17).

2. Amusanduke, (Incito 2:38) Pe, ndamwaambila kuti mwatasanduka muyoofwidilila anywebo nyoonse. (Luka 13:3,5) Ziindi ezyo zayakutaziba Leza wakazileka buyo, kwalo sunu ulailila bantu kuti kumasena oonse boonse basanduke. (Incito 17:30) Abalo bamasi Leza wabapa kusanduka kuti bapone. (Incito 11:18).

3. Akumulomo kulazuminwa kuti kube lufutuko. (Ba-Roma 10:10) Lyakuti, Anooli wazumina kumulomo kuti Jesus ngu-Mawami, akusyoma mumoyo wako kuti Leza wakamubusya kubafu, noti kafutuke. (Ba-Roma 10:9) Nceõambila kuti umwi aumwi uundizumina kubusya bwabantu, ambebo nzoomuzumina kubusyu bwa-Taata uuli kujulu. (Matayo 10:32) wamwaambila wati Nduwe Kristo, Mwana a-Leza muumi. (Matayo 16:16) Wavuwa wati, Ndasyoma kuti Jesu Kristo Mwana a-Leza. (Incito 8:37).

4. Aya makani ncecikozyano calubapatizyo mboluvuna ndinywe sunu (1 Petro 3:21) Oyo uuti kasyome akubapatizigwa uyoofutuka, pele oyo uutazumini uyoozulwa. (Marko 16:16) Jesu wakavuwa kuti, Ncobeni ndakwaambila kasimpe, Muntu atazalwa amaanzi a-Muuya, takonzya kunjila mu-Bwami bwa-Leza. (Johane 3:3,5) pele nkaambo kalweetelelo lwakwe mwini, ncakatufutula, (Tito 3:5) Amusanduke, mubapatizigwe umwi umwi muzina lya-Jesu Kristo, mujatilwe zibi zyanu, (Incito 2:38) Nyamuka, ubapatizigwe, usanzigwe zibi zyako, (Incito 22:16) Ikuti nyoonse nimwaka bapatizigwa muli-Kristo (Ba-Galatiya 3:27) Aboobo kuti muntu waba multi-Kristo. Waba mulenge mupya. (1 Ba-Korinto 5:17).

5. Kuzootwiisya kuti tuleelede kukazya kasampusampu azisusi zibi zyaansi ano, tuleelede kukala cakulibatamika acakululama acakulemeka Leza muciindi ecino casunu, akulindila eco coolwe ncotulangila, nkokuti kupompa kwabulemu kwa-Leza wesu mupati, Mufutuli wesu Jesu Kristo, nguwenya wakalyaaba nkaambo kesu, kuti atununune kuzibi zyoonse akulisalazizya bantu kuba banakwakwe, balisanga kumana milimo mibotu. (Tito 2:12-14).

Ndamulumbaizya nkaambo kakuti lyoonse mulandiibaluka, alimwi mbuli mbundakamusiila tunsiyansiya, mulajatisya ntuto. (1 Ba-Korinto 11:2).

Luzyalo lwa-Mwami Jesu alube anywe nyoonse. (Ciyubunuzyo 22:21)

Bali acoolwe abo basanzya zikobela zyabo, kuti bazumizigwe kucisamu cabuumi akunjila mumilyango yamunzi. (Ciyubunuzyo 22:14)

Don’t be left behind when the Lord comes!

---------------------------------------------------------------------------

882 - Tonga

AATAKWE MUNTU UUNDITONDEZYA?

26. Pele angelo wa-Mwami wakaambila Filipo kuti, Nyamuka uye kumusanza, kunzila lizwa ku-Jerusakemu iiya ku-Gaza, njenkanda.

27. Mpoonya wakanyamuka wainka. Eno mwaalumi waku-Etiopiya, muzibe wabwami bupati bwa-Kandake, mwami mukaintu waba-Etiopiya, ngowakali mulangi walubono lwakwe loonse, wakainkide ku-Jerusalemu kuyookomba.

28. Enokukuoiluka, wakalikede munkalaki yakwe, uza bubala kuli-Isaya musinsimi.

29. Nkabela Muuya wakaambila Filipo kuti, Swena afwaafwi unjile munkalaki eyo.

30. Ndilyonya Filipo wakamuzuzaanina, wamumvwa ulabal kuli-Isaya musinsimi. Wati, Sena ulacimvwisya eco ncobala?

31. Wakavuwa kuti, Inondilakonzya buti, aatakwe muntu uunditondezya? Mpoonya awo wakakumbila Filipo kuti atante, akale awe.

32. Eno caandaano neaali kubala nceeci:

Wakeenzegwa mbuli kabelele kaya kukujayigwa, Ambuli kabelele kaumuna kumbele lyauugela, Mbubinya awalo takajulide ,ulomo wakwe.

33. Kukulyeetezya kwakwe takabetekedwe kabotu, Nguni uyooamba izyalani lyakwe? Nkaambo buumi bwakwe bwagwisigwa ansi.

34. Nkabela muzibe wakamuvuwa Filipo wakati, Ndakubuzya, ino nguni ngwaamba musinsimi kumakani aya? Sa ylyaamba lwakwe mwini, na uamba umbi?

35. Filipo wakajula mulomo wakwe, wasaanguna kulugwalo olu ndulonya kumwaambila aa-Jesu.

36. Nobakali kweenda munzila, bakasika kwakali maanzi. Muzibe wakati, Ngaaya maanzi, ncinzi uno icindikasya kubapatizaigwa?

37. Filipo wateeti, Na wasyoma amoya wako woonse ulakonzya. Wavuwa wati, Ndasyoma kuti Jesu Kristo ngu-Mwana a-Leza.

38. Nkabela wakalalila kuti inkalaki iime, bakaselukila mumaanzi boonse bobile, Filipo amuzibe, wamubapatizya.

39. Nobakazwa mumaanzi Muuya wa-Mwami wakakwempa Filipo. Muzibe taakacili kumubona limbi, nkaambo wakatola munzila yakwe uya bubotelwa.

40. Pele Filipo wakajanwa ku-Azotu, waandulula minzi yoonse uya bukambauka Makani Mabotu, mane wasika ku-Kaisareya.