SESWATI

1809 - Siswati

KUFANELE NGENTE NJANI KUZE NGISINDZISWE?

Arranged in the Very Words of Inspired Men

1. KHOLWA eNkhosini Jesu, utakusindziswa, wena nendlu yakho (Imisebenti 16:30,31). Umuntfu lote kokholwa angeke akhone kujabulisa Nkulunkulu; ngobe lota kuNkulunkulu kufanele akholwe kutsi Nkulunkulu uyaphila nekutsi uyabavuza labo labamfunako (KumaHebheru 11:6). Kodvwa lowo longakholwa, uyakulahlwa (Makho 16:16). Mine Nginguye leNginguye (Johane 8:24). Ngako_ke nangabe kukholwa, kona ngekwako, kungenayo imisebenti, kufile (Jakobe 2:17).

2. PHENDVUKANI nibhajatiswe nonke ngamunye ngamunye egameni laJesu Khristu (Imisebenti 2:38). Nginitjela kutsi, nangabe nani ningashiyi tono tenu, niyakubhubha njengabo (Lukha 13:3,5). Kepha_ke manje sewuyala bantfu bonkhe etindzaweni tonkhe kutsi baphendvuke (Imisebenti 17:30). Nembala Nkulunkulu sewunike nebetive litfuba lekuphendvukela ekuphileni (Imisebenti 11:18).

3. AVUME ngemlomo wakhe kube kusindziswa kwakhe (KubaseRoma 10:10). Nangabe uyavuma ngemlomo wakho kutsi Jesu uyiNkhosi, ukholwe nasenhlitiyweni yakho kutsi Nkulunkulu wavusa Jesu kulabafile, utakusindziswa (KubaseRoma 10:9). Ngako_ke wonklzc loyakungivutna embikwebantfu, nami ngiyakumvuma embikwaBabe losezulwini (Matewu 10:32). UnguKhristu, iNdvodzana yaNkulunkulu lophilako (Matewu 16:16). Ngiyakholwa kutsi Jesu Khristu yiNdvodzana yaNkulunkulu (Imisebenti 8:37).

4. Emanti wona emele umBHABHATISO (I Phetro 3:21). Lowo lokholwako abhajatiswe, uyakusindziswa (Makho 16:16). Ngaphandle kwekutsi umuntfu atalwe ngemanti nangaMoya, ageke angene embusweni waNkulunkulu (Johane 3:5). Wasisindzisa, wasigeza ngekusitala kabusha nangekusenta busha ngaMoya loNgewele (KuThithusi 3:5). Phendvukani nibhajatiswe nonkhe ngamunye ngamunye egameni laJesu Khristu,kuze nitsetselelwe tono tenu nemukeliswe nesipho lesinguMoya loNgcwele (Imisebenti 2:38). Sukuma ubhajatiswe, utsetselelwe tono takho, ukhuleke egameni lakhe (Imisebenti 22:16). Nine nonkhe nabhajatiselwa kuKhristu, ngako_ke senembetse Khristu (KubaseGalathiya 3:27). Kantsi anati yini kutsi tsine sonkhe lesabhajatiselwa kuKhristu Jesu, sabhajatiselwa ekufeni kwakhe? (KubaseRoma 6:3). Ngako_ke nangabe umuntfu akuKhristu, usidalwa lesisha (II KubaseKhorinte 5:17).

5. Lomusa usifundzisa kutsi sikudzele kungakholwa, nekutsi sitilumule etinkhanukweni telive, bese siphila ngekuzitsa, nangekulunga, nangekumesaba Nkulunkulu kulomhlaba, ngesikhatsi sisabheke kugewaliseka kwelitsemba lelibusisekile, kubonakala kwenkhatimulo ycbukhosi baNkulunkulu lomkhulu, uMsindzisi wetfu Khristu Jesu. Yena watinikela ngenca yetfu, kuze atesihlenga ebubine bonkhe atingcwelisele sive lesisakhe, lesinenshisekelo kutsi sente imisebenti lemihle (KuThithusi 2:12_14).

Ngiyanincoma ngobe ningikhumbula etintfweni tonkhe, nibambelele etimfundzisweni lenganifundzisa tona (I KubaseKhorinte 11:2).

Umusa weNkhosi awube nabo bonkhe labangcwele (Sembulo 22:21).

Babusisiwe labo labatigezako tingubo tabo, kuze kutsi babe nelilungelo lekudla esihlahleni sekuphila, babe nelilungelo lekungena ngemasango ekhaya (Sembulo 22:14).

-----------------------------------------------------------------------

2864 - (Seswati)

NGINGEVA KANJANI KUTE LONGICHAZELAKO NJE?

Imisebenti 8:26-40

26. Ingilosi yeNkhosi yakhuluma kuFiliphu yatsi: "Tilungiselele kuya endleleeni leseNingizimu lesuka eJerusalema yehlele eGaza." (Lendlela ilihlane).

27. Wasukuma, wahamba. Bheka, wabona um Topiya labengumtsenwa, asiphatsimandla saKhandase, indlovukazi yaseTopiya, abebalulekile futsi angumgcinisikhwama sendlovukazi; abephuma eJerusalema kuyakudvumisa Nkhulunkulu,

28. Asabuyela ekhaya agibele inkalishi abefundza encwadzini yempholofethi Isaya.

29. Moya loNgcwele watsi kuFiliphu: "Sondzela kulenkalishi uhambe eceleni kwayo!"

30. Nangempele Filiphu wagiphu wagijima masondzela, weva um Topiya afundza incwadzi yempholofethi Isaya, wase uyabuta Filiphu utsi: "Uyakuva yim loku lokufundzako?"

31. Waphendvula watsi: "Ngingeva kanjani kute longichazelako nje?" Wase ucela yena Filiphu kutsi agibela ahlale eceleni kwakhe.

32. Abefundza indzawana emBhalweni lapho kutsi: "Njengemvu ilandzelwe kuyakuhlatjwa, nome lizinyane lemvu embikwemhhuli walo lithulile, akazange awuvule umlomo wakhe.

33. Wedzelelwa, wehlulelwa ngalokungemtsetfo. Ngubani longachaa imphandze yakhe? Akashiyanga namliba, ngobe imphilo yakhe yesuswa emhlabeni."

34. Siphatsimandla satsi kuFiliphu: "Ngiyakubuta ngitsi: Abekhuluma ngabani lompholofethi la, abetisho yena yini, nome abekhuluma ngalomunye umuntfu?"

35. Filiphu wakhuluma nalesiphatsimandla, wacala ngalendzawana emBhalweni asitjela liVangeli ngaJesu.

36. Basachubeka nendlela yabo befika lapho kunemanti khona siphatsimandla satsi: "Ingani nankha emanti, kwalani kutsi ngibhajatiswe?"

37. Filiphu watsi kuso: "Nawukholwa ngenhlitiyo yakho yonkhe, kungentiwa." Saphendvula satsi: "Ngiyakholwa kutsi Jesu Khristu yiNdvodzana yaNkulunkulu.

38. Wase utsi akumiswe inkalishi yakhe, behla bobabili, baya emantini, siphatsimandla naFiliphu, wase uyasibhabhatisa.

39. Batsi kube baphuma emantini, Moya weNkhosi watsatsa Filiphu, siphatsimandla asizange siphindze simbone, noko sachubeka neluhambo lwaso sesihamba sijabula.

40. Kodvwa Filiphu wabonakala asase-Azothosi ahamba ashumayela liVangeli kuwo onkhe emadolobha, waze wefika naseKhesariya.