TSONGA

1807 - Tsonga

XANA NDZI FANELE KU ENDLA YINI LESWAKU NDZI PONISIWA?

Arranged in the very words of Inspired men

1. PFUMELA eka Hosi Yesu, kutani u ta ponisiwa, wena ni va ndyangu wa wena (Mintirho 16:30,31). Kutani ehandle ka ku pfumela a swi endleki ku tsakisa Xikwembu. Un'wana ni un'wana loyi a lavaka ku tshinelela Xikwembu u fanele ku pfumela leswaku xi kona, ni leswaku xi hadela lava va xi lavaka (VaHeveru 11:6). Kambe la nga pfumeriki, u ta avanyisiwa (Marka 16:16). Hikuva loko mi nga pfumeri leswaku Mina ndzi yena, mi ta fela eswidyohweni swa n'wina (Yohane 8:24). Hikokwalaho, ku pfumela ku ri koxe, loko ku nga tikombi hi mintirho, ku file (Yakobo 2:17).

2. HUNDZUKANI, kutani un'wana (Mintirho 2:38). Loko mi nga hundzuki, mi ta lovisa xisweswo hinkwenu (Luka 13:3,5). Xikwembu ... ematikwenihinkwawo xi lerisa vanhu leswaku va hundzuka hinkwavo (Mintirho 17:30). Loko swi ri tano, na vona vamatiko Xikwembu xi va nyikile ku hundzuka loku yisaka evutomini (Mintirho 11:18).

3. KUTANI sweswo swi n'wi endla a va 1a ponisiwaka (VaRoma 10:10). Loko u vula hi nomo wa wena leswaku Yesi i Hosi, ni loko u pfumela embilwini ya wena leswaku Xikwembu xi n'wi pfuxile exikarhi ka vafi, u ta ponisiwa (VaRoma 10:9). Un'wana ni un'wana la nga ta ndzi vula emahlweni ka vanhu, na mina ndzi ta n'wi vula emahlweni ka Tata wa mina la nge matilweni (Matewu 10:32) . U Mesiya, N' wana wa Xikwembu lexi hanyaka (Matewu 16:16). Ndza pfumela leswaku Yesu Kriste i n'wana wa Xikwembu (Mintirho 8:37).

4. NKHUVULO wu yelana ni mhaka leyi (I Petro 3:21). La nga ta pfumela, a vuya a khuvuriwa, `u ta ponisiwa, (Marka 16:16). Ndzi tiyisisile ndzi ri ka wena ,

loko munhu a nga tswariwi hi mati ni Moya, a nga ka a nga mgheni eMfun'weni wa Kikwembu (Yohane 3:5). hi titswalo ta xona, hi ku hlantswiwa loku endlaka leswaku Moya lowo Kwetsima wu hi nyika tswariwa ra vumbirhi, ni vutomi le byintshwa (Tito 3:5). Hundzukani, kutani un'wana ni un'wana wa n'wina a khuvuriwa hi vito ra Yesu Kriste, leswaku mi rivaleriwa swidyoho swa n'wina, kutani mi ta amukela nyiko, wu nga Moya lowo Kwetsima, (Mintirho 2:38). U khuvuriwa leswaku u basisiwa eswidyohweni swa wena, hi ku khongela vito ra Hosi (Mintirho 22:16). Khuvuriwa eka Kriste (VaGalatiya 3:27). Khuvuleriwe ku fa ka yena xana (VaRoma 6:3). Loko munhu a ri ka Kriste, ku tumbuluka leswintshwa (II VaKorinto 5:17).

5. Ti hi dyondzisa ku tshika ku hanya ehandle ka Xikwembu ni ku navela swa misava, kutani hi hanya emisaveni leyi hi ku tikhoma, ni ku lulama, ni vukhongeri, hi ri karhi hi langutela minkateko leyi hi tshembisiweke yona, siku ku nga ta humelela ku kwetsima ka Xikwembu Nkulukumba, ni Muponisi wa hina Yesu Kriste. Hi yena la tinyiketeke hikwalaho ka hina, leswaku a hi kutsula eku hombolokeni hinkwako, a hi endla vanhu lava tengeke, lava va nga va yena ntsena, ni lava va chivirikelaka ku endla leswinene (Tito 2:12_14).

TINTSWALO ta Hosi Yesu a ti ve ni hinkwavo! (Nhlavutelo 22:21).

Ku katekile lava hlantswaka tinguvu ta vona, leswaku va ta pfumeleriwa ku dya murhi wa vutomi, ni ku nghena emutini hi tinyangwa ta wona (Nhlavutelo 22:14).

-Arranged by J.D. Phillips

-----------------------------------------------------------------------

2867 - Tsonga

Ndzi nga swi Kotisa ku Yini ku Swi Tsisisa loko ndzi nga ri na Loyi a Ndzi Hlamuselaka Xana?

Mintirho 8:26-40

26. Ntsumi ya Hosi yi vulavula na Filipi, yi ku ka yena: "Suka, u ya tlhelo ra dzonga endleleni leyi humaka eYerusalema, leyi rhelelaka yi ya eGaza." A ku tali ku famba munhu endleleni leyi.

27. Kutani Filipi a suka, a famba. Kavaloko ku humelela wanuna wa Muetiyopiya, mutshe niwa loyi a a ndhuna leyikulu ni milanguteri wa rifuwo hinkwaro ra Kandake, hosi ya wansati ya Etiyopia; munhu loyi a a tile eYerusakema ku ta gandzela kona;

28. Kutani a a tlhelela kaya, a tshamile egolonyini ya yena a ri karhi a hlaya buku ya muprofeta.

29. Moya wu ku ka Filipi: "Famba, u tshinelela golonyi liyaa."

30. Filipi a ya kona hi ku tsutsuma, a twa Muetiyopiya la hlayaka buku ya nuprofeta Esaya; a ku ka yena: "Xana wa twisisa leswi u swi hlayaka xana?"

31. Yoloyi a ku: "Ndzi nga swi kotisa ku yini ku swi tswisisa loko ndzi nga ri na koyi a ndzi hlamuselaka xana?" Kutani a kombela leswaki Pilipi a khandziya a ta tshama na yena.

32. Ndzimana ya buku leyi a a yi hlaya hi leyi: "A a fana ni nyimpfu leyi yisiwaka eku tlhaviweni, kumbe xinyimpfana lexi miyelaka loko va xi tsemeta voya: A nga pfukanga nomo.

33. Ú tsongahatiwile, a aleriwa leswo lulama. I mani la nga ta vulavula hi vatukulu va vena, leswi vutomi bya yena la misaveni byi fikeke makumu ke?"

34. Kutani ndhuna yi ku ka Filipi: "Wa nga ndzi byela, xana muprofeta ú vula mani hi mhaka leyi? Xana wa tivula, kumbe ú vula un’wana ke?"

35. Hiloko Filipi a sungula ku vulavula. A rhanga hi buku yoleyo, kutani a n’wi tivisa Evangeli ya Yesu.

36. Va ku va ha famba endleleni, va fika laha a ku ri ni mati, kutani ndhuna yi ku: "Vona, mati hi lawa; ku nga sivela yini leswaku ndzi khuvuriwa xana?"

37. Filipi a ku: "Loko u pfumela hi mbilu ya wena hinkwayo, u nga khuvuriwa." A hlamula a ku: "Ndza pfumela leswaku Yesu Kriste i N’wana wa Xikwembu."

38. Kuteloko a lerisile leswaku golonyi yi yima, va ngirimela ematini hi vumbirhi bya vona, Filipi ni ndhuna; kutani Filipi a yi khuvula.

39. Kuteloko va humile ematini, Moya wa Hosi wu susa Filipi.Ndhuna a ya ha vuyanga yi n’wi vona; hambiswiritano, yi yile emahlweni ni riendzo ra yona, yi tsakile swinene,

40. Loko a ri Filipi, a tikuma a ri le Azoto; kutani a famba-famba emitini hinkwayo a ri karhi a twarisa Evangeli, a kondza a fika eKhezariya.