HERERO

3153 - Herero

HI TJITE VI KUTJA MBI HUPISIWE?

Oviungura 16:30


Arranged by J.D. Phillips

1. Kambura mu Muhona Jesus, nu mo hupisiwa, ove nonganda yoye. (Oviungura 16:31) Kape nomundu ngu tjata ku Ndjambi e hi nongamburiro. Orondu ingwi ngu ma tumbuka ku Ndjambi ma sokukara nongamburiro yokutja ku na Ndjambi, nokutja Eye u yandja ondjambi ku imba mbe Mu paha. (OvaHeberi 11:6) Ingwi ngwa kambura na papitisiwa ma hupisiwa komuinyo, (Markus 16:16) Nene mamu tire momauvi wenu indu tji mu hi nokukambura kutja Ami owAmi Ami. (Johanes 8:24) Nongamburiro wina otjinga ai ri nao: Oyo tji i ri uriri nokuhinovitjitwa, okutja ya koka. (Jakobus 2:17)

2. Rivingurureye omitima nu auhe a papitisiwe mena raJesus Kristus (Oviungura 2:38) Indee uri! Me raere ene, tji mu hi nakuritanaura komauvi wenu, ene wina mamumtu momuhingo mbwa sana ngo. (Lukas 13:3, 5) Ndjambi wa zembira ovandu iswi otuveze owo tuyave he Mu tjiwa, nungwari nambano, Eye mr ve rakiza avehe akuhe kutja ve ise ozondjira zawo zourunde, (Oviungura 17:30) Nangwari Ndjambi wa vandja ku imba mbe he ri Ovajuda wina ondabukiro yomutima kokutja ve kare nomuinyo! (Oviungura 11:18).

3. Nu tu hupisiwa komuinyo mena rokutja tu hongonona novinyo vyetu. (OvaRoma 10:10) Tji mo hongonona notjinyo tjoye kutja Jesus oMuhona, nu tji mo kambura nomutima woye kutja Ndjambi we Mu pendura novakoke, indino mo yamwa. (OvaRoma 10:9) Auhe ngu ma hongonona kutja owandje komurungu wovandu, Ami wina otjinga ame mu hongonona komurungu waTate meyuru. (Mateus 10:32) Oove Kristus, Omuna waNdjambi omunamuinyo. (Mateus 16:16) Ii, me vanga! Me kambura kutja Jesus Kristus ibgu ri Omuna waNdjambi. (Oviungura 8:37).

4. Tjombapitisimo nambano ndji mai mu yama. (1 Petrus 3:21) Ingwi ngwa kambura na papitisiwa ma hupisiwa komuinyo, (Markus16:16) Tjiti, me ku raere kutja omundu tje hi nokukwatwa momeva na mOmbepo, kamaa sora okuhita mOuhona waNdjambi. (Johanes 3:5) Eye wa tjita nai momakohero wokukwatwa rukwao, na mOmbepo Ondjapuke ndji yandja omuinyo omupe. (Titua 3:5) Rivingurureye omitima nu auhe a papitisiwe mena raJesus Kristus kokutja mu isirwe omauvi wenu, nene mamu pewa otjiyandjewa tjaNdjambi, indji Ombepo Ondjapuke. ( Oviungura 2:38) Nambano mo wombere tjike nai? Sekama u papitisiwe nu u kohwe komauvi woye indu tji wa isana ena re! (Oviungura 22:16) Ingwi ngu ri owaKristus, eye omundu imupe. Imbi ovikuru vya kapita, avihe vya rirenovipe. (2 OvaKorinte 5:17)

Otjari hi tji tu vyura kutja tu poke kongarero ndji ha sere na kozonduma zouye, nokutja tu kare nongarero yozondunge nousemba nondjozikirp ku Ndjambi mouye mbwi, ngunda amatu tara nondero keyuva eningandu, ndi tu undja, Meyuva undo ounene waNdjambi wetu omunene nOmuyame wetu Jesus Kristus mau munika.. Eye we riyandjera ete pkutukutura komaurunde aehe nokutukohorora tu rire otjiwana tji tji ri otje omuini erike, nu tji tji ramangera okutjita oviungura oviwa. (Titus 2:12-14)

Ami me mu tanga, tjinga aruhe amu ndi zemburuka nami takamisa omahongero ngu mba yandja ku ene. (1 OvaKorinte 11:2).

Otjari tjaMuhona Jesus ngatji kare na ene amuhe! (OmaVandururiro 22:21)

Ovaningandu imba mbe koha ozombanda zawo, kokutja ve kare nousemba wokurya kovihape vyomuti womuinyo, nokuhitira momivero motjihuro. ( OmaVandururiro 22:14).

Don’t be left behind when the Lord comes!

-----------------------------------------------------------------

3152 - Herero

ME SORA VI OKUZUVA AMBI HI NOMUNDU NGU ME NDJI MANGURURIRE?

Oviungura :26-40

26. Omuengeli waMuhona wa hungirire nai ku Filipus: "Rirongera u yende mutenya kundjira ndji za moJerusalem okuyenda koGasa." Ondjira ndji nambano kati tji twarewa rukwao.

27. Filipus otje rirongera na i. Nu omuhona ombondo waEtiopie, ngwa ri omunene momatjeverero wovihuze vyombara oserejaze yaEtiopie, we ere koJerusalem okuyekurikotamena ku Ndjambi,

28. Eye wa ri mondjira okuyaruka, nu ngunda a haama metemba re tjandje ma lese membo romuprofete Jesaja.

29. Ombepo Ondjapuke arire tji va tia nai ku Filipus: "Tumbuka ketemba ndo u kayende mene yaro."

30. Filipus wa tupuka ketemba na kazuva ingwi omurumendu tji ma lese membo romuprofete Jesaja. Eye we mu pura a tja: "Omambo ngu mo leses mo ye zuu kutja maye hee tjike?"

31. Omuetiopi wa zira a tja: "Me sora vi okuzuva ambi hi nomundu ngu me ndji mangururire?" Neye wa isana Filipus kutja a ronde metemb nu a kare pehi puna ye.

32. Nu indwi orukonda rwOmatjangwa eye nduya lese orwo: ‘Otja ondi ndji twarewa tji mai kata, notja ondjona ndji ha vandara tji mai horwa, eye ke na pa nyamukura.

33. Eye wa susuparisiwa nu ka pangurirwe osemba. Owani ngu ma yenene okuserekarera ozondekurona ze? Ehupiro re kombanda yehi ra yanda."

34. Omuhona ombondo ngwi wa pura Filipus a tja: "Arikana, ndji raera kutja omuprofete otjina hi ma hungirire une? Me rihungirire omuini poo ma hungirire omundu warwe?"

35. Filipus wa yaruka okungira, neye wa utira porukonda rwOmatjangwa ndwi nu e mu zuvarisire Ombuze Ombwa yaJesus.

36. Nu ngunda amave kayenda mondjira, arire tji ve ya pomeva, nomuhona ombondo a tja nai: "Tara, omeva owo nga, notjikena tji matji ndji tjaere okupapitisiwa?"

37. Filipus we mu zira a tja: "Tji mo kambura nomutima woye auhe, ove mo yenene okupapitisiwa." Neye wa zira nai: "It, me vanga! Mekambura kuttja Jesus Kristus ongu ri Omuna waNdjambi."

38. Omuetiopi wa kura,isa etemba, naveyevaru, Filipus nOmuetiopi, arire tji va pundu momeva, nu Filipus e mu papitisa.

39. Nu tji va pita momeva, Ombepo yaMuhona arire tji ya toora Filipus ai mu isa po. Omuhona ombondo ke mu mwine rukwao, neye wa kayenda ondjira ye e nenyando tjinene.

40. Kombunda Filipus wa kamunikira moAsdod. Eye wa tapakana ovirongo avihe nga tje keya moSesarea ama yende ama zuvarisa indji Ombuze Ombwa akuhe.